Վիքիդարանից՝ ազատ գրադարանից
Փառաւորել զՀայր և զՈրդին
Զանմեկնելի աստուած Հոգին,
Այժմ և յանկէտ յափտենին,
Որ միշտ օրհնի յէականին:
Եւ զի գիտել մեր զայս պարտին
Յետ սուրբ ծննդեանն Աստուածածնին,
Ի ծնօղաց իւր պանձալի
Երեք ամաց եղև բերին:
Ընծայիւք պատարագին
Եւ մատաղօք ի տաճարին,
Անդէն դարձեալ ի տուն տանին
Ի յամէն տարի տաճարն բերին:
Մինչ ի լնուլ եօթեանց ամին,
Այլ ոչ տարան յիւրեանց տնին,
Այլ սնանին ի տաճարին
Սուրբ և մաքուր առաքինին:
Սպասաւորեալ հրեշտակք նմին,
Իջեալ երկնից հոյլք անմարմին,
Մանանայիւ կերակրէին,
Որ բերէին զայն իսկ նոքին:
Եօթն ամաւ ի տաճարին
Բնակեցաւ սուրբ աղաւնին,
Եւ ի լնուլ եօթնից կրկին
Չորեքտասան ամաց նմին:
|
|
