Ի յահեկէ ոստովք բարձրացանք
Մինչ ի հովանին սոցա
Ախտաժետք բազումք կուտեցան,
Թանահատի յանապատս
Եւ ձիթովս այս բժշկեցան:
Պարարտ ձիթենի գոլով՝
Տաթևու գաւթիս անկեցան
Եւ առաւոտցեալ պտղով
Քրիստոսի աստ ընծայեցան:
Երկnւ բարձրաբերձ լերինք՝
Ահերմոն և Թաբօրական,
Եւ ակունք Յորդանանու,
Յոր մարդիկ նոը մկրտեցան:
Ենովքայ ու Եղիայի
Փոխանորդ յերկրի շրջեցան,
Թէպէտ աննման կենօք,
Այլ գործովք յոյժ համանման:
Դիմօք և ձևովն իւրեանց
Հանդերձիւքն խոշորական,
Ծանուցին որդոց մարդկան
Զաշխարհի վայելս ընդունայն:
Երկու դրունք տեսանելեացս
Կենդանեացս յարարչէն եղան,
Յատուկ ի միմեանց գոլով
Մի շաւիղ տեսլեան ընթացան:
Այսպէս այս Երկու ընտրեալս
Բացակայ տեղեաւ մեզ ցուցանէ
Մինն Պոնտացի գոլով,
Մինն ի տանէն Արարատեան:
