Թէպէտ առանձին դիմօք
Կրկնակի կերպիւ յատկացան՝
Մի կամք, մի կարգ, մի կրօն,
Մի հոգի կառավարեցան:
Ցնծալ պարտի Հայաստանս
Եւ խայտալ խնճոյս հոգեկան,
Պարանցիկ առնել լուսով
Եւ երգել երգ հոմերական:
Նոր սրինգ և նոր տաւիղ,
Նոր քնար և նոր երգարան,
Նոր կաճառախումբ լինել
Եւ քննել յոյժ խորհրդական:
Բանալ ըզարգանդ մտաց
Եւ ճաշակ տալ համբերութեան,
Ըմպել ըզհամեղութիւն
Բաժակիս այս իմաստութեան:
Գրեան վաղընջուց փակած
Ընթերցան, ոճով մեկնեցան,
Եվ լապտերք եկեղեցւոյ
Գալստեամբ սոցին վառեցան:
Բարիոք մեզ նաւաստիք
Ի ծփման ծովուս յայտնեցան,
Վարեցին թևօք հոգւոյն
Եւ հասին յանբաւ խորութեան:
Մինչ յայս խրախութեան կայաք,
Աջողակ հողմով սլացման
Եւ յաջ և յահեակ թռուցեալ
Դիտէաք զկէտն ուղղական,
Յանկարծ հողմըն ուռուցիկ
