Փոթորկեաց զնաւս առժամայն
Եւ շրջապտոյտ առեալ,
Տատանէր յալէկոծութեան:
Հողմով կուտակեալ կոհակք
Ի ներքուստ անդուստ խռովեցան,
Եւ ծովըս հանդարտական
Յամբոխեալ ալիս փոխեցան:
Թռչարանն առագաստին
Ի ծւէնըս պատառեցան,
Եւ կախն ամբարձման պարզող
Ի ծովու խորըս սուզեցան:
Ղեկն և՛ ղեկավարն, և՛ թևքն
Խառնելեացն խափանեցան,
Եւ շարքըն տախտակամած
Ի միմեանց բաց անջատեցան:
Երկու լծակաց մածմունք
Ծնօտիւքըն բաժանեցան,
Եւ լաստըն ողնափայտիւն
Առ քեղիքն խարխալեցան:
Ահա արդ մեծ արհաւիրք,
Աղաղակ և գոյժ լալական
Տրտմութեան ալիք դիզեալ՝
Առ թիկունս մեր կործանեցան:
Զի այս չորս անկեան հիմունքս
Յորոց նաւքն մեր հաստեցան
Ուխտեալ ի միում ամի
Փոխեցան ի միջոյ բարձան:
Այս չորս սիւնքս խարսխեալ,
