Եւ արագափութով
Ի բարի վարձուց ձանձրացայ:
Հեզութեան լծով մտեալ
Համբերող խաչի ես ցուցակ
Ի լուր քաղցրութեան խրատուն
Բարկութեան բոցով այրեցայ:
Կնկղովըս կորահայեաց
Հեզ հարանցըն նմանացեայ,
Յանդուգն անզգամ դարձայ,
Վէս, գոռոզ և խիստ անուղայ:
Փորձութեանց ուրախ տանել՝
Յակոբայ արդարոյն լուայ,
Անվիշտ յարտաքին կրից
Դիւական բախմամբ տրտմեցայ:
Ի կենցաղազբաղ ծովու
Տատանմամբ տարակուսեցայ,
Գիտելով զելից շաւիղն՝
Օգնեա՝ ինձ, ոչ բարբառեցայ:
Ծայրասուր սաղաւարտեալ,
Թէ այսպէս միշտ ի վեր խոկայ
Եւ գամէն պտուղ շնորհաց
Քրիստոսի փառացն վարկայ:
Ես ոչ գործեցի բարի,
Նաև ոչ մտօք խորհեցայ
Եւ սնափառիմ մտօք,
Շատ մաքրոց կարծիմ գերակայ:
Իբր ի յերազի մտօք
Շատ բարեաց տէր երևեցայ
Եւ սին պարծանօք պատրեալ
