Վիքիդարանից՝ ազատ գրադարանից
Զսուրբ Սիոնն ու զծնունդն
Եւ զամենայն ուխտատեղին
Նախատանօք այպանէին
Եւ գարշ ոտիւքն կոխէին:
Զօրհներգութիւնք մարգարէից,
Զոր սուրբ հոգին առթեր նոցին
Եւ զկտակարանս առաքելոց
Տնօրէնութեանցն պատմողին
Խափանեցին, լռեցուցին,
Զի կարգեսցեն զխաբեբային,
Զմսհաւ Ղուրանն ընդ Ֆրղանին
Զեքրար ալլահն անդ ճչէին:
Զզարդ և զսպասք սուրբ տաճարաց
Պեղծ մզքթացն ձօնէին
Եւ զհանդերձանք պատմուճանին
Կալեալ յինքեանս բաժանէին:
Ի բարձրութիւն ելեալ բեմբին՝
Զձև մէհրապին նկարէին
Եւ առաջի անկեալ նմին
Յիւրեանց բախտէն գոհանային:
Զայս ձայն գուժի աղաղակաւ
Ի Հռոմ քաղաքն հասուցին.
Պապըն լուեալ ի խոր խոցէր
Եւ ամենայն սեպուհք նորին:
|
|
