Վիքիդարանից՝ ազատ գրադարանից
Զի մեծ ոճիրք չարութեան
Ի մէջ հօտիս յոյժ բազմեցան,
Զի հերձուածով բաժանեցան
Եւ իրերաց դահիճ դարձան:
Հայհպութեամբ բացեալ բերան
Քրիստոնէի առ քրիստոնեայն,
Երով միմեանց յերկիր ելան
Եւ գերէվար սրբոց լարեան:
Այլև նախճիրս զանազան
Եւ անառակ վարս ստացան,
Վասն որոյ թիւք կատարեցան,
Կշռեցան և չափեցան,
Եհաս լրումն վերջական
Ըստ քանակի գործոց մարդկան,
Բայց ըստ կամացն աստուածական,
Զոր նախ տեսաւ յարարչութեան,
Ի մինն Ադամ զորդիս մարդկան
Ի սկզբանէ մինչ ի վախճան,
Դեռ անկատար, ոչ ի լրման,
Թերի մնացեալ, նոր ի ծննդեան:
Զոր ըստ մասին ոմանց մարդկան
Խիստ տերութեանցն արար վախճան,
Զի չար կրիւք ծառայական
Տատանելով հեծեծական:
|
|
