Վիքիդարանից՝ ազատ գրադարանից
Եւ զբրաբիոնն պանձալի
Վասն իւր բերեալ բիւր բարելի,
Ետ օրհնութիւն տէրն Յիսուսի
Ելս ի մտի եդեալ աստի:
Ելեալ ի լեառն Ձիթենեաց,
Զի անդ կացցէ ի յաղօթի
Եւ անդ եղև հրաշս յայտնի
Ի յաղօթելն Աստուածածնի:
Զի ամենայն բոյսք դալարի
Եւ տունկք ծառոց անդ խոնարհի,
Առ ի յողջոյն սրբոյն կուսի
Երկրպագեն մօրն Հիսուսի:
Եւ յաղօթելն Աստուսւծածնին
Այսպէս ասէր յիւրում սրտին.
«Դու, տէր, իմ տէր, Յիսուս որդի
Եւ աստուծոյ հօր հզօրի,
Դու խոստացար գալ ի յերկրի
Եւ զիս հանել յերկինս երկնի
Եւ քո խոստումն է բաղձալի
Անտարակոյս ւ անստելի»:
Յայնժամ Յիսուս յերկնից ձայնեալ
Առ սուրբ կուսին խանդաղատեալ
«Մի՛ երկնչիր, մայր սրբասնեալ,
Ես գամ առ քեզ կառօք բազմեալ:
|
|
