Վիքիդարանից՝ ազատ գրադարանից
Եւ ասացեալ Յովհաննիսին
Մատչել յազերս սուրբ խորհրդին,
Պատարագել զսոսկալին,
Զի հաղորդիմ մարմնոյ փրկչին:
Յայնժամ ելեալ սուրբ Յոհանին
Ի վերնատունն խորհրդին,
Յիշատակել ըստ տեառն բանին
Վասն իւր ծնողի Աստուածածնին:
Յայնժամ հոգին մատակարար
Գնդին սրբոյ ազգ արարեալ,
Որք փոյթ ընդ փոյթ անդ գումարեալ
Եւ ձայնակից նմին եղեալ:
Որք ի հոգոյն վերաբերեալ
Յանկարծակի եդեն եկեալ,
Դասք երջանիկ պետից ընտրեալ,
Որք յամենայն յաշխարհ գնացեալ:
ԶՔրիստոս աստուած քարոզէին
Եւ զյարութիւն պատմէին,
Ի նոյն ժամայն անդ գումարին,
Որք ընդհանիւր սփռեալ էին:
Պետրոս ի Հռոմայ,
Այլ և Պօղոս էր ընդ նմին,
Թովմաս ի Հնդկային
Եւ Թադէոս Հայոց Մեծին:
|
|
