Վիքիդարանից՝ ազատ գրադարանից
Իսկ սրբուհի Աստուածածին
Ի ծագ արևու առաւօտին,
Համբարձ զձեռս իւր հրաշալին
Առ տէր աստուած պաղատագին:
Դարձեալ անտի ի յանկողին
Ի պատգարակս իւրոյ զսպին,
Պետրոս նստէր ի սնարին
Եւ Յովհաննէս պատուանդին:
Ամենեքին շուրջ պարառեալ
Զմահճօք կուսին դասակարգեալ,
Սիրով զոտիւք սրբոյն փարեալ
Ձայնիւ երգով օրհնաբանեալ:
Զի հարսնուհին կայր հրաւիրեալ
Առ բաղձալին իւր ըղձացեալ,
Ի յառագաստն աստուածարեալ,
Զոր խոստացեալ էր նմա տալ:
էին անդ եպիսկոպոսք
Գերաստիճանք, տիրասնունդք,
Յակոբոս՝ եղբայր տեառն,
Գոլ խաչաբարձ կենսաստեղունք:
Ի սուրբ խաչէ կենաց փայտէն
Առեալ ի ձեռն իւրոյ անդէն
Դիոնէսիոս յԱրիսպագէն,
Որ վարդապետն էր յառաջմէն:
|
|
