Էջ:Petros Ghaphantsi, Verses (Պետրոս Ղափանցի, Բանաստեղծություններ).djvu/164

Ժիր այգեգործք եկեղեցեաց ազնըւականք,
Եւ համաշունչ վեհ բարեխօսք արդիւնականք,
Հոգաց մերոց հոգաբարձուք և օգնականք,
Զօրօք հըզօրք՝ տեսլեամբ ահեղք մերձ ազգականք:

Դուք անմոլար քաջ առաջնորդք մոլորելոց,
Եւ թագնաբար միշտ ձեռընտու սիրեցելոց,
Լուսաւորիչք մըթին մըտաց զըղջացելոց,
Եւ ջատագովք մերս փրկութեան ձեօք կըրթելոց:

Չարաբարոյ անօրինին մոլեգնական,
Կայծակնացայտ սուրք հոգեղէնք անվրիպական,
Զչարաճարտար զօրըս նորուն որք ի դարան,
Զայնս արարէք յողորմելեացս հալածական:

Յաւուր մեծի մահուան մերոյ սարսափելւոյ,
Երիւք միայն նըկանակօք պատրաստելու,
Ընդ այն հաճիլ զերթ լիաճաշ ճոխ սեղանոյ,
Այժմ աղաչեմք աղքատ երգօք թիւր բերանոյ:

77

ԶԵԿԵՂԵՑԻՈՅ ՍՐԲՈՅ ԵԻ ՊԱՐԳԵԻԱՑ ՆՈՐԻՆ

Չէ' պարտ խընդրել ըզմարգարիտս ի յաղբևաց,
Եւ ո՜չ ըգլոյս և կամ զարև ի յըստւերաց,
Ջի զայս եգիտ չար առասպելն հեթանոսաց,
Եւ րնկսւլսո անմըտութիւնն ունկընդրողաց: