Լուսափայլ վարդըն շաղամած վառեալ,
Յոյժ գեղապաճոյճ թերթիւք գումարեալ,
Ի վերայ ծաղկանց միշտ թագաւորեալ,
Եւ վեհ երևեալ.
Այգիք բերկրեցան,
Այնու զուարճացեալ,
Յոյժ փարթամացեալ:
Մարիամ ծաղիկ՝ բոյս եդեմ դրախտին,
Աստղ ի գիշերի և լիալուսին,
Ցընծա՜ երջանիկ երկնից կամարին,
Առ անեղ արփին.
Դասք վերնակառից՝
Շուրջ զթև փարին,
Նոր երգով բանին:
Շիկագեղ ծաղկունք, գունով աննըման,
Ցօղ առեալ յայգուն՝ այնու ճոխանան,
Զորս առեալ փընջեն ազգք որդւոց մարդկան,
Ի սէր վայելման.
Փառք պարգևողին՝
Սուրբ Երրորդութեան,
էին անսահման:
