Վիքիդարանից՝ ազատ գրադարանից
Տըղան սիրում է ձեզ շատ, արեգակ,
Դաշտ ու պարտեզում ճըռվըռող թըռչնակ,
Ճյուղերից կախ-կախ պտուղներ հասուն
Բայց ձեզնից ավել պիտ սիրե ուսում։
Ուրեմն թողեք, նախ դըպրոց երթա,
Ընկերների հետ դասերը նա տա,
Եվ երբոր յուր սուրբ պարտքը կատարե,
Որքան որ ուզե` թո՛ղ նա ձեզ սիրե։
Այնուհետև ցոլա՛, պայծառ արեգակ,
Այնուհետև երգե դու նախշուն թռչնակ,
Ու անուշ համը հասուն պըտուղին.
Թող լինի վարձը ժրաջան տըղին։
|
|
