Այս էջը հաստատված է
Նրա գլխին փուլ է գալի։
Այ քեզ փորձա՜նք...
էլ չպրծանք...
Ձվի նստած Փոմփոխ հավը
Դուրս է վազում կչկչալի,
Գող Քոթոթի էս համբավը
Բակի միջին հարայ տալի։
էլ ձվածան հավ-մարիկներ,
էլ կչկչան խամ վառիկներ,
էլ թխսամեր ու ղոչ աքլոր՝
Մոտ են վազում լեղապատառ։
Մոտ են վազում
Ու կչկչում,
Փոմփոխի հետ
Հարայ կանչում։
— Տատի, տատի, էհե՜յ տատի,
էս փորձանքից եկ ազատի՛...
Գող Քոթոթը եկավ, չամփեց,
Մեր ձվանը ջարդե՜ց, լափե՜ց...
Հիմքից քանդեց թառ ու թառեք,
Ամա՜ն, հասեք, մի ճար արեք։
— Աղչի Մայի՛,
Մի դուրս նայի...
Մի տե՛ս հալա,
Դուրսը էտ ի՞նչ
Ղալմաղալ ա...
— Նանի՜, նանի՜, Քալի նանի՜,
Մահն էդ տեսակ շանը տանի...
էն անպիտան քոթոթ շունը՝
