Այս էջը հաստատված է
Առաջ վազում
Ոլոր-մոլոր,—
էն ահավոր ձոր ու կիրճից
Գալիս հասնում
Անդունդը խոր...
էդ անդունդի մի վիթխարի,
Լեռ ապառաժ մի մեծ քարի
Գլխից հանկարծ ընկնում է ցած
Ընկնում է ցած՝
Գահավիժվում...
Ջուրը վիժվում,
Ջուրը գժվում,
Գոռում, գոչում
Ու հառաչում,—
— Ջըրրր-վեշշ,
Չըրրր-վեշշ...
— Ջը՜րրր-վե՜շշ,
Ջը՜րր-վե՜ժժ...
Գետը հոսում,
Հետն էլ խոսում,
Ձայն է տալիս,
Աղմկում,
Չես իմանում,
Ի՞նչ է ասում,
Երգում է թե՝
Բողոքում։
Մեկ փրփրում,
Փրփուր փռում,
Համբուրում է ափերը,
Մեկ էլ արագ,
Կոհակ-կոհակ
Հետ է քաշում
