Էջ:Tsaghkepunj.djvu/60

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


Հաղթանակի կյանքը խնդաց մեկ մայիսին։
Հաղթանակող
Հզոր կյանքը էս առավոտ՝ ամենուրեք,
Աշխատանքի
Մեծ տոն հիմնեց էս առավոտ ամենուրեք,—
Ամեն տարի,
Երբ գարուն գա, բանա հանդեսն ամենուրեք,
Ամեն տարի
Մեկ մայիսը տոնվի էսպես ամենուրեք։


ԵՐԳ ԳԱՐՆԱՆ

Սիրուն գարո՜ւն, դե՜հ, շուտ արի,
Քեզ ենք սպասում մի տարի,
Ձյուն-ձմեռվա էս ցրտերը՝
Մաշեցին մեր սրտերը։

Արդեն վաղուց քեզ են կարոտ
Դաշտը, այգին ու արոտ,
Անտառները և սար ու ձոր
Քեզ են սպասում օրեցօր։

Երբ որ դու գաս, հետդ բերես
Կարմիր արև ժպտերես,
Առատ անձրև ինչքա՜ն կարաս
Մեր ցանքսերին շատ կտաս։

Արի՛ գարուն, դե՜հ շո՛ւտ արի,
Արի՛ լիքը ու բարի,
Ձյուն-ձմեռվա էս ցրտերը՝
Հալեցին մեր սրտերը։