Այս էջը հաստատված է
Հազար ու մե գիրք կարդացի — խելացի գիրք
չտեսա,
Հազար կնկա գիրկն ընկա — սիրեկան գիրկ
չտեսա։
Հասա մինչև Ֆռանգստան, երգ ու տաղեր լսեցի —
Սայաթ-Նովի ձիրքի նման երկնային ձիրք չտեսա։
Աղեքի հետ սեղան նստա, նոքարի հետ խմեցի՝
Մարդու ասած խոսքերի մեջ արդար կշիռք չտեսա
Հազար գոզալ սիրտս էրեց ու հազարին սիրեցի —
Քո սուրբ կրքից ավելի վառ ու անմար կիրք չտեսա։
Ամեն բանից բար ու բեզար երեսս շուռ տվեցի —
Բաղերն ընկա՝ քեզնից անուշ ու հասած միրգ
չտեսա։