Ընկերոջ համար...

Վիքիդարանից՝ ազատ գրադարանից
Jump to navigation Jump to search
Նախերգ (Կարոտներիս կանաչ հովտում...) Ընկերոջ համար...

Արիս Արսենի

Իմ երգը (Արիս Արսենի)


Ընկերոջ համար...


Ընկերոջ անհույս վիշտը կկիսեմ,
Ես նրա լավը չեմ խլի երբեք:

Ընկերոջ համար կյանքս կզոհեմ,
Ես նրա վարդը չեմ խլի երբեք:

Ընկերոջ սրտի փուշը կհանեմ,
Ես նրա զարդը չեմ խլի երբեք:

Իմ սրտի համար` ես իմ ընկերոջ
Սրտի մի զարկը չեմ խլի երբեք...


1973, Կոճողոտ