Թափառումի սեր

Վիքիդարանից՝ ազատ գրադարանից
Jump to navigation Jump to search
Սին խոսքերի մեջ, զվարթ ամբոխում Թափառումի սեր

Վահան Տերյան

Փողոցում


ԹԱՓԱՌՈՒՄԻ ՍԵՐ



Կշարժեմ նորից քայլերըս տարտամ,
Լապտերների հեզ լույսը կըգրկեմ,
Զվարթ անցորդին ուրախ կըժպտամ,
Ինքըս ինձ կերգեմ…

Եվ արբած կյանքի անուշ գաղտնիքով,
Ողջույն կըտամ ես ջրին ու հողին,
Կրկանչեմ զվարթ, ու արբուն երգով
Անց ու դարձողին…

Եվ օտար կանանց ժպիտը ծանոթ,
Եվ մեծ քաղաքի աղմուկի հյուսկեն —
Երկար գիշերիս երազում աղոտ
Քունս կըհսկեն…