Սին խոսքերի մեջ, զվարթ ամբոխում

Վիքիդարանից՝ ազատ գրադարանից
Դու չքացել ես Սին խոսքերի մեջ, զվարթ ամբոխում

Վահան Տերյան

Թափառումի սեր


Սին խոսքերի մեջ, զվարթ ամբոխում


Սին խոսքերի մեջ, զվարթ ամբոխում
Շրջում եմ, բայց միշտ հեռո՛ւ եմ, չըկա՛մ.
Ապրում եմ թաքուն և իմ հեզ հոգում
Աղոթք եմ անում ցնորք-աղջկան...

Ձեզ հետ եմ, բայց միշտ հեռո՜ւն եմ, հեռու՜ն,—
Ունեմ ես թովիչ մի առանձնարան,—
Տանջանք է այնտեղ և զոհաբերում —
Եվ թախիծ, և երգ, և աղոթք նրան...

Եվ այնտեղ է նա,— ոչ այս աշխարհում,—
Մաքուր ու պայծառ պատկերը նրա.
Ես տառապանքս բախտ եմ համարում
Ու ծիծաղում եմ ձեր բախտի վրա...