Կյանքիդ գարունը

[ 46 ]

ԿՅԱՆՔԻԴ ԳԱՐՈՒՆԸ

Օր. Ն. Ե.-ին

Ինչպես թևերն հարսնուկներուն
Վառ կարմիրով ծիածանին

Կը ծածանին.

Ցորենով լի դաշտին՝ հեռուն.
Հասկերն ինչպես, ոսկի՛ թըռան,

Կը թըրթըռան.

Հարս թիթեռները տարփագին
Կը ծավալեն գարնան հովեր

Եթերն ի վեր.

Շաղ թևերով շերեփաքին
Կ՚երփնավետի վարդին համար

Սիրով հիմար.

Շող-շող լույսով եթերասլաց
Փոսուռաներ, փըշրանք լուսնին,

Մեզ կը հասնին.

Շափրակներուն սըրտեն ծըլած
Սընդուս բուրումը լելակի

Կը վիլակի.

[ 47 ]

Ցոլք մ՚ասուպե, ծիլ մը լոռեն,
Բոլոր դյութանքը միասին

Մեր մայիսին

Ժըպիտներով կը բոլորեն
Մայր բընության պըսակ մ՚աղվոր,

Բայց անցավոր.

Այսպես և քու հոգվույդ գարուն,
Շընորհքներու դաբիր մաքուր

Եվ թաքթաքուր,

Հըմայքներով միշտ պատարուն՝
Պիտի ապրի ցորչափ համեն

Պատրանքդ ամեն:

1903