Հնչում է անվերջ աշնան թախիծով...

Վիքիդարանից՝ ազատ գրադարանից
Jump to navigation Jump to search
Սև գիշե՜ր, և հուշե՜ր, և խոհե՜ր անհամար... Հնչում է անվերջ աշնան թախիծով...

Վահան Տերյան

Ինքնօրօրում


* * *


Հնչում է անվերջ աշնան թախիծով
Դաշնամուրն այնտեղ, պատի հետևում.
Հարազատ է ինձ այդ երգը հեծող —
Իմ անանց ցավով մեկն էլ է ցավում։

Աշնան տխրահեծ անձրևի նըման,
Անձրևի նըման լալիս են անվերջ
Այն հնչյունները մեղմ ու միաձայն՝
Պատի հետևում և իմ հոգու մեջ...