Հ․ Ս․ Խ․ Հ․

[ 11 ]

Հ․ Ս․ Խ․ Հ․

Նո՛յն էր մինչև երեկ
Նստել
Վերը՝
Ձյունե Արարատի գլխին։

5 էսօր վա՛ր ենք բերե,
Որ թևերը քշտե
Եվ խուղերը սրբե աշխատավոր խալխի։

Էսօր—
Ե՛ս եմ կեցել,
10 Ինձ հետ—
Եռա՛նդը ձեր՝
Հագո՛
Մկո՛,
Հաբե՛թ։
15 Կեցել եմ մեյդանում
Ե՛ս եմ —
Եվ դո՛ւ,
Եվ դու.
Բոռում եմ բերանբաց,
20 Բոռում եմ՝ բե՛ր...

[ 12 ]

Եվ...
Ահա խուղերը խուլ,
Փողոցները քոսոտ,
Կորած բոսոր հողում
25 Խճուղիները սև —
Հորդում են հորդահոս,
Փողոցը ողողում,
Լցվում են աչքերիս դռներից
Ներս․․․

30 էստեղ —
Քաշում են մաճ։
Մաճը ճեղքում է սիրտս — վարում։
Էստեղ գործում են կտավ։
Նա։
35 Նա։
Նա։
Ո՞ւր է.
Գտա՞ր —
Չգտա՞ր.
40 էստեղ մեյդան է, չայխանա,
էստեղ կիները մազերին դեռ դնում են հինա։

Էշը ահա —
Չո՛ւ—չո՛ւ —
Աստաֆյանի միջով։
45 Ավտոն նրան բոթում —
Հառաչում է բոսոր։

Մի երկաթե թռչուն
Մեր նայիրյան տոթում
Թպրտում է էսօր։

[ 13 ]

50 Շաչո՜ւմ են,
Շաչո՜ւմ են
Թևերը երկաթե։
Երկաթե թևերը քաշում են-վե՜ր։
Այս ի՞նչ է՝
55 Օրերո՜ւմ
Մի եռ կա,
Թե՞—
Գալիքն է երգերիս
Սավառնակներ տվել․․․

60 Երգերս,
Իմ երկի՛ր,
Քո շաֆրանով ներկած,
Քո արևով,
Տոթով
65 Փողոցների ցեխով—
Փռե՜լ եմ դաշտերիդ
Հեռուներին չարքաշ,
Սիրտս—զուռնա՛ շինել,
Գալիքների դհոլ...
70 ․ ․ ․ ․ ․ ․ ․ ․ ․ ․
Երկի՛ր իմ արևի ու փոշու,
էսօր
Ես
Ձուլված ամեն ինչիդ՝
75 Ուզես—ե՛րգ եմ լուսե,
Ուզես—կապված մի շուն,
Ուզես—մժեղ չնչին...