Սրտխփոց

Վիքիդարանից՝ ազատ գրադարանից
Jump to navigation Jump to search
Հետհասցե Վարդան Հակոբյան, Երկեր, հատոր Բ՝ Սրտխփոց

Վարդան Հակոբյան

Սանջարի ոսկիները
ՍՐՏԽՓՈՑ


Բռնեցի ձեռքդ։ Քամին ծառի մարմնաեղեգ
գալարումներում
խշշոցներ հիշեց գետի,
հիշեց պահաթոկը ափից կտրված ու անղեկ նավակի,
                           քրթմնջոցներ՝ կտուց-կտցի,
եւ ջրերը տարան աստղերին։

Այլաշխարհիկ վայրկյաններ,
խռովախոս ճամփա,
քնքշություններ որձաքարի,
անկողնախորան ավետավարդ,
անկողմնակալ սրտխփոց,
կորսյալ հասցեներ...

Մատաղամոմի
արցունքը
մութի մեջ փայլող աչք է։