Վերադարձի մտորում
Jump to navigation
Jump to search
| ← Բանաստեղծությունն իմ էությունն է... | Արիս Արսենի |
Կարոտ (Արիս Արսենի) → |
Խորհրդային բանակի շարքերից
զորացրվելուց հետո
Հանդիպողները սեղմում են ձեռքս
Ու շշնջում են.
- Բարո՜վ ես եկել...
Մի՞թե իսկապես... «բարով եմ եկել»...
Չէ՞ որ հյուրի՜ն են
«Բարով ես եկել» խոսքերով դիմում,
Իսկ ե՞ս... Ես հյուր չեմ, ես տուն եմ եկել:
Կարոտո՜վ,
Սրտի դողո՜վ եմ եկել
Նորից փարվելու իմ հանդ ու սարին:
Ու թող ինձ չասե՜ն բարով ես եկել...
...Բայց հանդիպում են, սեղմում են ձեռքս
Ու... շշնջում են.
- Բարո՜վ ես եկել...
29.05.80, Կոճողոտ