ՏՏՀ/Բենզին
ԲԵՆԶԻՆ, նավթի վերամշակման արգասիք։ Բնորոշ հոտով, թափանցիկ, դյուրավառ հեղուկ է։ Մաքուր Բ. հաճախ օգտագործում են ճարպաբծերի, յուղաներկերի, ստեարինի, պարաֆինի, մոմի հետքերի հեռացման (տես Կեղտաբծերի հանում), ինչպես նաև հրահանների լցավորման համար։
Բ. հարկավոր է պահել ապակե լավ փակվող ամանում (ռետինե խցանը պիտանի չէ), կրակից, էլեկտրավառարաններից և ջեռուցիչ այլ սարքերից հեռու։ Բ-ից օգտվելիս արգելվում է մոտակայքում կրակ վառել։ Բռնկված Բ. չի կարելի հանգցնել ջրով, այն պետք է ծածկել հաստ կտորով։ Բ-ի գոլորշիներ պարունակող սենյակում տևականորեն գտնվելը վնասակար է մարդու համար, ուստի Բ. գործածելուց հետո անհրաժեշտ է սենյակը լավ օդափոխել։
Տես նաև Ավտոմեքենա: