ՏՏՀ/Ժանգազերծում

ԺԱՆԳԱԶԵՐԾՈՒՄ, ժանգի հեռացման համար օգտագործում են թթուներ պարունակող հատուկ նյութեր՝ փոշիներ, մածուկներ, հեղուկներ։ Փոշիների և մածուկների բաղադրության մեջ կան հղկանյութեր և լվացանյութեր, որոնք մաքրում են ոչ միայն ժանգը, այլև մակերևույթի աղտոտվածքը։ Ժ-ման համար թողարկվող որոշ միջոցներ նաև սանիտարահիգիենիկ սարքավորանքի հականեխիչներ են։

Խորհուրդ է տրվում հազվադեպ օգտագործվող մետաղե իրերը պատել պաշտպանական շերտով, օրինակ, տեխնիկական վազելինով կամ պարաֆինի ու նավթի խառնուրդով (30 գ քերած պարաֆին 0,1 լ նավթին)։ Խառնուրդը տաքացնել չի կարելի։ Որպեսզի պարաֆինը լրիվ լուծվի, այն պետք է 3-4 օր պահել նավթի մեջ փակ ամանում։