Տաղ չորս տարերաց

Ալվայ եկին ան հաւերըն,
Նոլվայ եկին ան հաւերըն,
Կենէ եկին ան հաւերըն,
Որ ամէն գարուն կու գային.
Հագեր են կանաչ կապայ,
Հագեր են կանաչ կապայ,
Հագեր են կանաչ կապայ,
Ի վրայ կանչին շուրջ կու գան։
Սօյլէ՛, պուլպուլո՛ւմ, սօյլէ՛,
Սօյլէ՛, քեքլիկո՛ւմ, սօյլէ՛,
Սօյլէ՛, ղումրիկո՛ւմ, սօյլէ՛.
Ես քո ձայնիդ խև եղայ,
Քո ստեղծողին եմ ծառայ։

Ալվայ եկին ան հաւերըն,
Նոլվայ եկին ան հաւերըն,
Կենէ եկին ան հաւերըն,
Որ ամէն ամաո կու գային.
Հագեր են կարմիր կապայ,
Հագեր են կարմիր կապայ,
Հագեր են կարմիր կապայ,
Ի վրայ վարդին շուրջ կու գան։
Սօյլէ՛, պուլպուլո՛ւմ, սօյլէ՛,
Սօյլէ՛, քէքլիկո ւմ, սօյլէ՛,
Սօյլէ՛, ղումրիկո՛ւմ, սօյլէ՛,
Ես քո ձայնիդ խև եղայ,
Քո ստեղծողին եմ ծառայ։

Ալվայ եկին ան հաւերըն,
Նոլվայ եկին ան հաւերըն,
Կենէ եկին ան հաւերըն,
Որ ամէն աշուն կու գային.
Հագեր են դեղին կապայ,
Հագեր են դեղին կապայ,
Հագեր են դեղին կապայ,
Ի վրայ ղէզլին շուրջ կու գան։
Սօյլէ՛, պուլպուլո՛ւմ, սօյլէ՛,
Սօյլէ՛, քէքլիկո՛ւմ, սօյլե՛,
Սօյլէ՛, ղումրիկո՛ւմ, սօյլէ՛,
Ես քո ձայնիդ խև եղայ,
Քո ստեղծողին Եմ ծառայ։

Ալվայ եկին ան հաւերըն,
Նոլվայ եկին ան հաւերըն,
Կենէ եկին ան հաւերըն,
Որ ամէն ձըմեռ կու գային.
Հագեր են ճերմակ կապայ,
Հագեր են ճերմակ կապայ,
Հագեր են ճերմակ կապայ,
Ի վրայ պաղին շուրջ կու գան։
Սօյլէ՛, պուլպուլո՚ւմ, սօյլէ՛,
Սօյլէ՛, քէքլիկո՛ւմ, սօյլէ՛,
Սօյլէ՛, ղումրիկո՛ւմ, սօյլէ՛,
Ես քո ձայնիդ խև եղայ,
Քո ստեղծողին եմ ծառայ։