ԳԻՏԵՄ
Օրը կգա։
Կգա վաղ թե ուշ։
Դուրս կհորդի
Ոխը իր մորթուց։ 5
Ա՛լ արև ոնց որ՝ կտա՛ աչքերին։
Էդ ժամին ո՞վ կքնի...
Ո՛չ մի սվին,
Ո՛չ մի մետաղ էլ
Չի փրկի 10
Կրկին
Եվրոպական թաղը։
Ինչ որ արել եք,
Թե չոր, թե թաց —
Սեր կաշու քաշով 15
Գինը կտաք։
Եվ էնտեղ, ուր զնգում էր «Սի՛լվան» ձեր,
Եվ շրշում էր շոգ ֆոկստրոտը —
Կո՛ւլին կգա,
Կո՛ւլին կառևանգե... 20
Կպատռե բռունցքով ձեր ծնոտը...
Եվ էնտեղ, ուր թորում էր գազեթը
Խեղդող թույն —
Կծծե ֆայանսը գլազեթի
Ոչ թե մեզ — 25
Մարդկային արյուն։
Իսկ երբ դանակը հագենա,
Ազգերի դրոշները թափե ցած —
Կելնե արևը,
Կարևի 30
Չինաստանի վրա։
Ե՞րբ.
— Տարիներ անց...
— Երբ կուլիներ միլիոն,
Առած ոխ, 35
Առած սվին —
Կքայլեն տեքստիլ գործարաններից,
Կշարժեն հանք ու ձուլարան։
Եվ աշխատանքին —
Կլինի նոր գին. 40
Չի փոխվի կրկին լացի նա։
Եվ աշխատանքին —
Կլինի նոր գին.—
Ոչ թե կոպեկ կրկին,
Այլ — 45
ԿԱՐՄԻՐ ԻՆՏԵՐՆԱՑԻՈՆԱԼ..․
