Ամառային երեկո

Վիքիդարանից՝ ազատ գրադարանից
Jump to navigation Jump to search
«Լսո՞ւմ ես դու էլ, թե ինչ են խոսում...» Ամառային երեկո

Հովհաննես Թումանյան

«Սըրտիս թագուհի...»



ԱՄԱՌԱՅԻՆ ԵՐԵԿՈ


Ամռան գիշերվա երկինքն աստղալի,
Յուր հսկայական վըրանի ներքո
Գրկած շարքերը բարձր լեռների,
Պատմում է երկրին մեծությունն աստծո։

Եվ բարիքներով լցված-լիացած
Երկիրն ունկնդիր երկնքի ճառին,
Քնելուց առաջ խոնարհ, երկյուղած
Փառաբանում է մեծազոր տերին։

Եվ փառք են տալիս իմ շուրջը բոլոր,

Ամեն մի տերև, ամեն շընչավոր...


1892