Անձրեւի ձայնը

Վիքիդարանից՝ ազատ գրադարանից
Jump to navigation Jump to search
Բաց արեք Վարդան Հակոբյան, Երկեր, հատոր Ա՝ Անձրեւի ձայնը

Վարդան Հակոբյան

Իմ հոգում ունեմ
ԱՆՁՐԵՎԻ ՁԱՅՆԸ


Այսօր անձրեւի ձայնը ինձ համար
Հիշեցումն է այն չքնաղ աղջկա,
Որ համակ երգ է գարունքվա մասին,
Որ հանդիպել է ինձ հեռու մի տեղ
Եվ իմ արեւն ու իմ երազները
Ծրարել մի օր իր հեռացման մեջ,
                Ասելով՝ կգամ։
Անձրեւի ձայնը խոր մթության մեջ
Խլացումն է եւ անհույս լինելուս.-
Ամենքից թաքուն
Հավատ եմ հյուսում գիշերվա գրկում՝
Խայտող աստղերի թրթռանքներից,
Պահում՝ սպասող իմ աչքերի մեջ։

Կարոտի երգ չէ՞ անձրեւի ձայնը...