Բառարաննամե

Վարդան Հակոբյան

Բանաստեղծ - բան չստեղծող

Նշանավոր - աննշան մարդ

Ճշմարտախոս - ստահոդ, արժանապատվությունը կորցրած անձնավորություն

Կուշտ - երկար սովածությունից ախորժակը փակված

Սիրահար - աշխարհից զզված

Շոգ ամառ - մերկության ձգտում՝ մանավանդ փող ու շոր չունեցող կանանց կողմից

Խորհրդատու - իր նկատմամբ հավատը կորցրած

Հարբեցող - համարձակության ձգտող մարդ, որ ասելիք ունի

Հաշտություն - սովից հալ ու մաշ եղած շունն ու կատուն աղբանոցում կեր են փնտրում միասին

Խոզ - ծառերի ամենաանմատչելի, բարձր ճյուղերին բնակվող կենդանի, որի անունով, ի դեպ, կոչվում է ընթացիկ տարին

Լեւի - ռուսերենից մեր լեզվի մեջ մտած բառ, որը մի քանի նշանակությամբ է օգտագործվում. 1. Օժանդակ կին։ 2.Կողմնակի եկամուտ։ 3. Գողացված լույս։

(Շարունակեք ինքներդ)