Դու հպարտ չես, իմ հայրենիք

Վիքիդարանից՝ ազատ գրադարանից
Jump to navigation Jump to search
Հայրենիքում իմ արնաներկ Դու հպարտ չես, իմ հայրենիք՝ «Երկիր Նաիրի» ժողովածու

Վահան Տերյան

1915
Մշուշի միջից,— տեսի՜լ դյութական
[ 243 ] 5

* * *

Դու հպարտ չես, իմ հայրենիք,
Տրտում ես դու և իմաստուն.
Կիզում է քեզ մի հուր կնիք,
Մի հըմայող ու հին խոստում ։
Եվ միթե այդ վշտիդ համար
Չեմ սիրում քեզ այսպես քնքուշ
Եվ խոնարհվում քեզ պես համառ,
Օ, հայրենիք դառն ու անուշ։
Չըշլացա խնդուն փառքիդ
Անցյալ ու հին փայլով երբեք.—
Սիրեցի հեզ, անքեն հոգիդ
Եվ երվերըդ մեղմ ու բեկբեկ,
Խեղճությունըդ խավար ու լուռ,
Աղոթքներրդ դառն ու ցավոտ,
Զանգակներիդ զարկը տխուր
Եվ խուղերիդ լույսերն աղոտ

[1915]