Վիքիդարանից՝ ազատ գրադարանից
Jump to navigation
Jump to search
Ես կուզեի լինել...
Արցախյան պատերազմի նահատակ
Գագիկ ՊԱՏՎԱԿԱՆՅԱՆԻ հիշատակին
Ես կուզեի լինել մեր քարերի նման,
Մեր քարերի նման հաղթ ու կանգուն,
Լինել կոպիտ, անտաշ ու քարեղեն... հմա,
Քարերի պես քնած, նաև ... արթուն։
Քարերի պես մամռած՝ իմաստնացած խոհով,
Քարերի պես խոնարհ, նաև... հպարտ,
Հողմերի դեմ ելնել աներկյուղ ու... ահով,
Կռվել-հաղթել, մեռնել՝ մնալ... անպարտ։
Ես կուզեի լինել մե՛ր քարերի նման...
08.07.92, Ստեփանակերտ
|
|
