Վիքիդարանից՝ ազատ գրադարանից
1891
ԱԽԹԱՄԱՐ
Ծիծաղախիտ Վանա ծովի
Փոքրիկ գյուղից առափնյա,
Ծովն է մըտնում գաղտագողի
Ամեն գիշեր մի տըղա։
5
Ծովն է մըտնում առանց նավակ,
Բազուկներով առնացի
Ջուրը ճողփում, լող է տալի
Դեպի կըղզին դիմացի։
Խավար կըղզուց պարզ ու պայծառ
10
Մի լույս կանչում է նըրան,
Մի վառ փարոս նըրա համար,
Չըմոլորի իր ճամփան։
Սիրուն Թամարն ամեն գիշեր
Այնտեղ կըրակ է անում,
15
Եվ ըսպասում է անհամբեր
Այնտեղ՝ մոտիկ դարանում։
|
|
100
