Էջ:Թումանյանի ԵԼԺ հ3.djvu/247

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


359 Գուցե մի րոպե քո դատարկ հոգում

«1884 թ. Ղոխնանց պապի դափում Գրիշկի հետ. Չոփուրի՝ տղերանց հետ գնալուց մի քանի օր հետո»:
«Թռչուն կա միս են ուտացնում - թռչուն Էլ կա, որ միսն են ուտում»։

ՍԵՎԱԳԻՐ ՀԱՏՎԱԾՆԵՐ

<2>

Ահա ծառերը կանաչ խմբերով
Հավաքված գետի երկու եզերքին,
Թավ կատարները մեղմիկ ճոճելով
Իրար փաթաթված, շարված են կարգին:

Նրանք խոնարհված ականջ են դնում,
Թե ինչպես իրանց ստվերների տակ
Զգույշ ծփալով գաղտնիք են պատմում
Ջրի հատակից կոհակներն հստակ:

Դիտում են՝ ինչպես արևի վերջին
10 Անզոր շողերը ջըրերի միջում
Շտապ դողալով իրիկվան պահին
Թռչում են վերև և [հանկարծ] հանգչում:

Իսկ այդ ժամանակ հսկա ժայռերը,
Որ երկու կողմից կանգնած են պատրաստ,
Զգում են իրանց երկայն ստվերը
Ու մութով լցնում ձորն ահեղասաստ։

________

1 ա Ահա ծառերը անվերջ խմբերով
բ Ահա ծառերը դալար խմբերով
5 ա Նրանք հավաքված զրույց են անում,
բ Նրանք գաղտնի բան են խոսում,
գ Նրանք խորհրդավոր բան են խոսում,
դ Նրանք խոնարհված մեղմիկ սոսում,
ք Մեղ<միկ> ծփալով գաղտնիք են պատմում
11 Շտապ դողալով իրիկնապահին
18 Եվ մթնեցնում են ձորն ահեղասաստ։