Էջ:Թումանյանի ԵԼԺ հ7.djvu/216

Վիքիդարանից՝ ազատ գրադարանից
Jump to navigation Jump to search
Այս էջը հաստատված է




ՀԱՅՈՑ ԳԵՏԵՐԸ

(ՓՈՔՐԸ)

Խաղի բացատրությունը

Խաղում են 4 և ավելի հոգի

Խաղաթղթերը կամ գետերը 40 հատ են։ Խաղացողները բաժանում են իրենց մեջ ու սկսում են խաղալ։ Խաղի նպատակը հավաքածուներ կամ ավազաններ կազմելն է։

Ութ ավազան կա խաղի մեջ, I Արաքսի ձախ վտակները, II Արաքսի աջ վտակները, III Քռի աջ վտակները (բացի Փոցխովը), IV Եփրատ, V Տիգրիս, VI Սև ծով, VII Վանա լիճ, և VIII Կիլիկիա։

Խաղացողներից նա, ով սկսում է խաղը, նայում է իր ձեռքի (սև տառերով մեջտեղը տպած) գետերին և իր ունեցած գետերից մեկն ու մեկի ավազանին պատկանող մի ուրիշ գետ է խնդրում խաղացողներից մեկից։ Եթե ստանում է, շարունակում է խնդրել թե՛ նրանից և թե ուրիշից, ումից կկամենա, մինչև իր հավաքածուն լրացնելը, իսկ եթե սխալվում է, հերթն անցնում է նրան, ումից խնդրում էր։ Եվ էսպես շարունակում են։ Ով որ շուտ և շատ է կազմում, խաղը նա է տանում։ Խաղացողները եթե ունեն «Հայոց գետերի» քարտեզը, տանողներից ամեն մեկը իրավունք ունի տանել տվողներից ամեն մեկից հարցնելու մի գետի տեղը, եթե տարվողը անմիջապես գտավ, ազատվում է տուժինքից, եթե չգտավ, տուժում է էնպես, ինչպես առաջուց պայմանավորված են։

Մեծ «Հայոց գետերը» 2 կամ 3 խմբի համար է։ Խմբերը բաժանում են իրենց մեջ ավազաններն ու էնպես խաղում։


ՀԱՅԿԱԿԱՆ ՀԱՆԵԼՈՒԿՆԵՐԻ ԽԱՂԻ ԲԱՑԱՏՐՈԻԹՅՈԻՆԸ

Երկուսից սկսած քանի հոգի ուզեն կարող են խաղալ։

Ամեն մի հանելուկ բաժանված է երկու մասի։ Հարցը տպված է սև թղթի վրա, պատասխանը կապույտ։