ԵԼՈՒՅԹՆԵՐ
1 9 1 3
<ՀՈՎՀ. ՀՈՎՀԱՆՆԻՍՅԱՆԻ ՄԱՍԻՆ >
<I, II>
(էջ 527)
1913 թ. փետրվարի 15-ին տեղի է ունեցել ՀԳԸ հերթական՝ 4-րդ երեկույթը, որտեղ քննարկվել է Հովհ. Հովհաննիսյանի քնարերգությունը: Ասուլիսին մասնակցել է նաև Թումանյանը: Նա հանդես է եկել երկու անգամ:
Սրանք նրա ելույթների համառոտ շարադրանքներն են՝ տպագրված երեկույթին նվիրված հաղորդման մեջ, տե՛ս Հր, 1913, 17 փետրվարի № 38, որտեղից և արտատպվում են։
<ՍԱՅԱԹ-ՆՈՎԱՅԻ ՄԱՍԻՆ>
I
(էջ 527)
1913 թ. մարտի 14-ին տեղի է ունեցել ՀԳԸ 6-րդ երեկույթը՝ նվիրված Սայաթ-Նովային։ Բանախոսել է Ն. Աղբալյանը։ Բացման խոսք է ասել Թումանյանը, ապա և մասնակցել է բանախոսությունից հետո բացված ասուլիսին։
Բացման խոսքի համառոտ շարադրանքը տպագրվել է երեկույթին նվիրված հաղորդման մեջ, տե՛ս Հր, 1913, 16 մարտի, № 59, այնուհետև՝ ԹՔ, էջ 250, Եժ IV, 446։
Արտատպվում է Հր-ից։
1 Տե՛ս «Երկու մեծ թիֆլիսեցիներ» հոդվածի 8-րդ ծանոթագրությունը։
