Այս էջը հաստատված է
գիտահետազոտական հաստատություններում աշխատում են հազարավոր գիտնականներ: Համաշխարհային հռչակ են վայելում Բյուրականի աստղադիտարանը մեծանուն գիտնական, ակադեմիկոս Վ. Լ. Համբարձումյանի գլխավորությամբ, Մեսրոպ Մաշտոցի անվան Մատենադարանը: Բոլորին հայտնի են Մեծամորի ատոմային էլեկտրակայանը և Երևանի էլեկտրոնային արագացուցիչը, Արագածի տիեզերական ճառագայթների հետազոտման կայանը: Կրթական գործի ծաղկման ապացույցն են Երևանի պետական համալսարանը, պոլիտեխնիկական, բժշկական, մանկավարժական, գյուղատնտեսական և մյուս ինստիտուտները, տասնյակ տեխնիկումները և ուսումնարանները, որոնք հանրապետության ժողովրդական տնտեսությունը, կուլտուր-լուսավորական
