տեսքը։ Արագ թափով աճում է նրա արդյունաբերական հզորությունը։ Սոցիալիստական Հարավսլավիայում արտադրում են ավտոմեքենաներ ու էլեկտրոնային սարքեր, տրակտորներ ու կոմբայններ, հեռուստացույցներ ու սառնարաններ, կահույք ու դեղորայք, թաղանթանյութ (ցելյուլոզա), թուղթ և բազմազան այլ ապրանքներ։ Սովետական Միությունը Հարավսլավիային օգնում է կառուցելու և վերակառուցելու արդյունաբերական մի շարք ձեռնարկություններ։
Դանուբի և նրա վտակներ Սավայի ու Տիսայի՝ տաք կլիմա ունեցող հովիտների արգավանդ հողերում լավ աճում են հացահատիկ, եգիպտացորեն, արևածաղիկ, շաքարի ճակնդեղ, խաղող։
Ադրիատիկ ծովի ափի երկայնքով, որտեղ ավելի տաք է ու արևոտ, հասունանում են նարինջը, ձիթապտուղն ու թուզը։ Լայնորեն զարգացած է անասնապահությունը, հատկապես խոզաբուծությունն ու թռչնաբուծությունը։
Ադրիատիկի ծովափի մեղմ կլիման այստեղ է ձգում զբոսաշրջիկների: Հարավսլավիայում
