Այս էջը հաստատված է
— Ընկեր Խաչիկ, քո դիմումի համաձայն քեզ տրւում է երեք սենեականոց բնակարան Նորքի զանգուածում:
Տարօրինակ, տարօրինակ աշխարհ, այս լուրը կրնար երկու շաբաթ առաջ գալ եւ ուրախացնել Խաչիկին մայրն ալ. բայց եկաւ Աննա մայրիկին մահէն երկու օր ետք:
Այն ատեն, մտածեց Խաչիկ, այն ատեն ալ պիտի մտածէի թէ խեղճ մայրս մեր նոր բնակարանը չկարացաւ վայելել:
Հիմա Խաչիկին կրնաք հանդիպիլ Նորքի զանգուածի իր բնակարանին մեջ իր Թուղիկին հետ, իր արդեն դպրոց գացող Վարդանին ու Անդրանիկին հետ:
Խաչիկը հիմա տուն ունի, կին ունի, զաւակներ ունի, գործ ունի, Արարատի փէշերում տակ:
Խաչիկը Արարատի փէշերուն տակ գերեզման մըն ալ ունի:
Հայէպ, 1 Յուլիս 1972
