ազգերին ազատություն տալու մեծ գաղափարների օգտին, որոնցով ոգևորված է նոր կառավարությունը, որը ուժ և վստահություն է ստանում այդ գաղափարները իրագործելու Ռուսաստանի ամբողջ բնակչության աջակցությամբ»:
«Հորիզոն», 14.03.17:
N 126
ՕԴԵՍԱՅԻ ԿԱՅԱԶՈՐԻ ՀԱՅ ԶԻՆՎՈՐՆԵՐԻ ՈՒ ՍՊԱՆԵՐԻ ՀԵՌԱԳԻՐԸ ՀԱՅՈՑ ԱԶԳԱՅԻՆ
ԲՅՈՒՐՈՅԻՆ ՓԵՏՐՎԱՐՅԱՆ ՀԵՂԱՓՈԽՈՒԹՅԱՆ ԳԱՂԱՓԱՐՆԵՐԸ
ՊԱՇՏՊԱՆԵԼՈՒ ՄԱՍԻՆ
Թիֆլիս: Հայոց ազգային բյուրոն ստացել է Օդեսայից հետևյալ հեռագիրը մարտի 16-ին, «Օդեսայի գարնիզոնի հայ զինվորները և սպաները բախտի բերմամբ կտրված հայրենիքից ողջունում են բազմաչարչար հայ ժողովուրդը այն ազատության առիթով, որ լուսավորեց Հայաստանի արյունոտ հորիզոնը: Նրանք տոգորված են ջերմ փափագով մեծ ռուս ժողովրդի հետ ձեռք ձեռքի տված հին բռնակալության ավերակների վրա կառուցանել ազատ Ռուսաստանի հոյակապ շենքը բոլոր ազգությունների երջանկության և բարգավաճման համար»:
«Հորիզոն», 24.03.17:
N 127
ՀԱՅՈՑ ԱԶԳԱՅԻՆ ԲՅՈՒՐՈՅԻ ՈՐՈՇՈՒՄԸ ՆՈՐ ԿԱՐԳԵՐԻ
ՀԱՍՏԱՏՄԱՆԸ ՍԱՏԱՐ ԿԱՆԳՆԵԼՈՒ ՄԱՍԻՆ
Հ[այոց] Ազգային կենտրոնական բյուրոն կայացրել է հետևյալ որոշումը, որը հայտնված է հեռագրով բոլոր կոմիտեներին. «Ներկա մոմենտում չպետք է դնել որևէ ազգային պահանջներ: Մոմենտի առաջին խնդիրն է ամեն կերպ նպաստել նոր կարգերի հաստատմանը, անհրաժեշտ են ամեն տեսակ զոհաբերություններ թշնամուն վերջնականապես հաղթելու համար, որովհետև մեր պատերազմական անհաջողությունը կնշանակեր հին կարգերի վերականգնումը:
«Հորիզոն», 25.03.17:
N 128
ՀԱՅՈՑ ԱԶԳԱՅԻՆ ԲՅՈՒՐՈՅԻ ՆԱԽԱԳԱՀԻ ՆԱՄԱԿԸ ԱՄԵՆԱՅՆ ՀԱՅՈՑ ԿԱԹՈՂԻԿՈՍ
ԳԵՎՈՐԳ 5-ՐՂԻՆ ԱԶԳԱՅԻՆ ԽՆՂԻՐՆԵՐ ԼՈՒԾԵԼՈՒ ՀԱՄԱՐ ԳԱՐԵԳԻՆ
ԲԱՍՏՐՄԱՋՅԱՆԻՆ ԱՄԵՐԻԿԱ ԳՈՐԾՈՒՂԵԼՈՒ ՀԱՐՑԻ ՄԱՍԻՆ
Նախապես խնդրելով Ձերդ Ս. Օծության թույլտվությունը և ներողամտությունը, դիմում եմ Ձեզ մի խնդիրքով, որով դիմում է միաժամանակ Ազգային բյուրոն:
- ↑ Թվագրումը թերթինն է: Չի նշված որոշումն ընդունելու ժամանակը:
