Բագրատունրսն: Բոլոր ֆրակցիաները հայանում են միաձայն իրանց վստահությունը նրա մասին, և Բագրատունին միաձայն ընտրվում է զինվորական գործակալ: ժողովը որոշում է, որ նա կարևոր հարցերի վերաբերմամբ պետք է հրահանգներ և ցուցումներ ստանա Ազգային խորհրդից, իսկ ընթացիկ գործերը պետք է վարե, խորհրդակցելով յուր մոտ կազմվելիք մարմնի հետ:
Նախագահը զեկուցանում է, որ Ավագների խորհուրդը համաձայնության է եկել Ազգային խորհրդի ֆունկցիաների մասին: Կազմի մասին դեռ համաձայնություն չկա: Հույս ունի, թե մինչև երեկոյան նիստը համաձայնություն կկայանա:
Նախագահը զեկուցանում է, թե Պետրոգրադից ստացվել է հեռագիր, որով առաջարկվում է ընտրել հայերի կողմից մի ցենզավոր ներկայացուցիչ նախա-պառլամենտում ի լրացումն երկու սոցիալիստական-ագգային ներկայացուցիչների:
ժոդովը խորհրդակցությունից հետո գտնում Է, որ այդ ներկայացուցչի ընտրությունը պետք է կատարե ոչ համախորհուրդը, այլ ցենզավոր որևէ մարմին, և որոշում է հանձնել այդ ընտրության գործը առևտրա-արդյունաբերական խորհրդին:
Նիստը փակվեց ժամք 3-ին:
Գ.21, թ.34 ևհակ.:
N 14
Նիստ ԺԳ
Նիստը բացվեց առաջնորդարանում, երեկոյան ժամը 9-ին, նախագահությամբ Լ. Աթաբեկյանի և ներայությամբ 78 անդամի:
Նախագահը զեկուցանում է, թե Ավագների խորհուրդը դեռ չէ կարողացել վերջացնել Ազգային խորհրդի կազմի հարցի որոշումը, խորհուրդը դեռ շարունակում է աշխատանքը:
Հ. Առաքելյանն ասում է, թե քանի որ ընտրվելու է Ազգային խորհուրդ և գործադիր մարմին, պետք է որոշվեն թե մեկի և թե մյուսի ֆունկցիաները: ժողովը, գտնելով, որ բազմամարդ ժողովի մեջ դժվար է համաձայնության գալ այս հարցերի մասին, որոշում է հանձնել այդ ֆունկցիաների որոշումը Ավագների խորհրդին:
Նախագահի առաջարկությամբ ժողովը որոշում է ընտրել մասնաժողով ժողովի մեջ քննված հարցերի մասին ընդհանուր բանաձևեր մշակելու համար:
Հ. Քաջագնունու առաջարկությամբ ժողովը որոշում է մասնաժողովի կազմի մեջ մտցնել նաև քարտուղարությունը:
Մասնաժողովի կագմի մեջ ժողովի որոշմամբ մտնում են երկու-երկու անձ ֆրակցիաներից և մի անձ անկուսակցականներից: Ընտրվում են Դաշնակցությունից Շահխաթունյան, Աղբալյան, սոց. դեմոկրատներից Տեր-Ղազարյան, սոց. հեղափոխականներից Ստամբոլցյան, Տեր-Օհանյան, Հայ ժող. կուսակցությունից Մխիթարյան, Ամիրյան, անկուսակցականներից Մամիկոնյան: Բացի սրանցից, որոշվում է գաղթականական և պարենավորման հարցի բանաձևի համար հրավիրել գաղթականական մարմնի մասնաժողովը:
Օրակարգի հարցն էր զեկուցումը պարենավորման հարցի մասին:
Սեկցիայի կողմից զեկուցանում է Ս. Հարությունյանը: Նա վիճակագրական տվյալներ բերելով, ցույց է տալիս, որ Անդրկովկասում այս տարի հացի բերքը անբավարար է եղել: Կան գավառներ, որ սերմացուն անգամ հետ չեն ժողովել: Համեմատաբար լավ է Հյուսիս[ային] Կովկասում, որ շարունակ Անդրկովկասի համար ծառայել է իբրև շտեմարան. Հացի պակասությունը մեզ մոտ արդեն չարագուշակ կերպարանք է ստանում: Հացի գինը չափազանց բարձրանում է: Զորքի ճակատը
