ջուրը չի՞ ընկնիլ: Ինձ թվում է, որ սա նույնպես շատ կարևոր հանգամանք է. որ աչքաթող չպետք է անել: Եվ ես կարծում եմ, որ եթե Վեհափառ կաթողիկոսը նաև Պետերբուրգի կարծիքն է հարցնում, երևի այս հանգամանքն էլ աչքի առաջ ունի, թեև Բագրատ սրբազանը յուր նամակում այդ մասին ոչինչ չի գրել:
Ըստ իս թերևս ավելի դյուրին և ավելի արագ հարգվեր Վեհափառի խնդիրը, եթե դիմումը լիներ 4-5-6 մարդու համար և ոչ թե ամբողջ գործի ликвидация-ի համար:
Սա, իհարկե, իմ անհատական կարծիքն է և ոչ մի կերպ չունի այն մտածողությունների հետ, որ կա Թիֆլիսում և էջմիածնում:
Մատուցանելով Ձեզ իմ հարգանքներս,
Մնամ Ձեր կենաց համար աղոթարար
ՀԱԱ, Ֆ.227, ց.1, գ.595, թ.5-6: Բնագիր: Ձեռագիր:
N 19
ՇՈՒՇՈՒ ՀԱՅ ՄՇԱԿՈՒԹԱՅԻՆ ՀԱՍՏԱՏՈՒԹՅՈՒՆՆԵՐԻ ՈՒ ԽՄԲԱԿՑՈՒԹՅՈՒՆՆԵՐԻ
ՆԵՐԿԱՅԱՑՈՒՑԻՉՆԵՐԻ ԸՆԴՀԱՆՈՒՐ ԺՈՂՈՎԻ ԱՐՁԱՆԱԳՐՈՒԹՅՈՒՆԸ ԵՂԲԱՅՐԱԿԱՆ
ՕԳՆՈՒԹՅԱՆ ԵՎ ՎԻՐԱՎՈՐ ԶԻՆՎՈՐՆԵՐԻ ԽՆԱՄՔԻ ԳՈՐՇԻ ԿԱԶՄԱԿԵՐՊՄԱՆ ՄԱՍԻՆ
Ղարաբաղի թեմի ժամանակավոր կառավարիչ Զավեն վարդապետի հրավիրմամբ սույն թվականի հոկտեմբերի 28-ին տեղույս Առաջնորդարանում տեղի ունեցավ Շուշու Հայոց կուլտուրական հաստատություններից և խմբակցություններից ընտրված 28 ներկայացուցիչների ժողովը:
ժողովականները հոտնկայս լսեցին Նորին Վեհափառության Ամենայն հայոց կաթողիկոսի կոնդակը ուղղած ամեն դասակարգի հայ ժողովրդյան շուտափույթ կազմակերպելու եղբայրական օգնության և վիրավոր զինվորներին խնամելու գործը: Ի նկատի ունենալով ժամանակի պահանջներին և տեղական ժողովրդի բազմաթիվ և բազմատեսակ կարիքները ժողովականները բարվոք համարեցին տասն հոգուց բաղկացած մի գործող մարմին (բյուրո) կազմել, որը պետք է միջոցներ հայթայթե վերոհիշյալ պահանջներին գոյացում տալու համար:
Գաղտնի քվեարկությամբ տեղական գործող մարմնի անդամներ ընտրվեցին.
1. Մեծ պ. | Գ.Մելիք-Շահնազարյան |
2. | Ղ.Տեր-Ղազարյան |
3. | բժ. Ս.Համբարձումյան |
4. | Ս.Մանդինյան |
5. | Լ.Վարդապետյան |
6. | Ա.Շահնազարյան |
7. | Մ.Խալափյան |
8. | Ջ.Մելիք-Շահնազարյան |
9. | Մ.Խաչատրյան |
10. | Գ.ԻսրայեԱան |
Մեծապատիվ պարոն: