այստեղ ձգտում է նորից մեկուսացնելու հայ սոցիալիստական ուժերը մեր կյանքից, առանց գիտակցելու, որ նման տաքտիկայով նա մեկուսացնում է հայ ժողովուրդը Ռուսաստանի հեղափոխությունից և Անդրկովկասի բոլոր հեղափոխական տարրերից,
4. Խտացած կերպով Հ.Հ. Դաշնակցության մտայնությունը և վարքի գիծը արտահայտվեց պ.Ն.Աղբալյանի պետական և ժողովրդական իմաստից զուրկ ճառի մեջ, որի հիմնական տրամադրություններն էին.
ա. Անվստահություն դեպի սոցիալիզմը և հեղափոխական միջազգային դեմոկրատիան
բ. Անվստահություն դեպի Անդրկովկասի դրացի ժողովուրդները
գ. Քաղաքական նոր արկածախնդրության սպառնալիքը իբրև հայ ժողովրդի իրավունքների պաշտպանության մի ձև:
5. Մեզ համար գաղտնիք չէ եղել Հ.Հ.Դաշնակցության թե մտայնությունը և թե գործելակերպը, սակայն գալով այս Համախորհուրդը, մենք նպատակ ենք դրել պայքարել հայ դիմազուրկ բուրժուազիայի և հարձակողական մեշչանականության դեմ: Այժմ հայտարարում ենք, որ պատմության մեջ շատ հաճախ աշակերտի զորավոր մուրճը վանել է սոցիալական ասպարեզից անպատասխանատու և բռնավոր վարպետին: Հայտարարում ենք նաև հրապարակով Ձեզ Համախորհուրդի անդամներիդ և Ձեր գլխի վրայով ողջ հայ ազգին, թե այսօր Ռուսաստանում կա մի վարպետ միայն և այդ վարպետը նրա հեղափոխական դեմոկրատիան է: Գիտակցեք, որ սոցիալիստական բանակը այն միակ կամուրջն է, որ շաղկապում է լքված և անկազմակերպ հայ ժողովուրդը Ռուսաստանի մեծ հեղափոխության հետ: Թերևս մենք կանգնած ենք աղետալի անակնկալների առջև և գիտակցելով մեր մեծ պատասխանատվությունը դեպի հայ ժողովուրդը, մենք, թեև փոքրություն, մնում ենք այստեղ մեր հեղափոխական դիրքի վրա իբրև արթուն պահապան մեր ժողովրդի գիտակցված շահերի և ֆիզիքական գոյության:
Նույն գործը, թ.24 և հակ.:
N 50
Պետական դպրոցների ազգայնացման և եկեղեցական-ծխական դպրոցների
աշխարհականացման սեկցիայի փոքրամասնության բանաձևի նախագիծը
1. Սեկցիան սկզբունքով ընդունում է եկեղեցական-ծխական դպրոցների աշխարհականացումը:
2. Սակայն որովհետև այդ աշխահականացման իրավործումը բարդ է իրավաբանական և տնտեսական տեսակետից, և որովհետև չկա մի իրավասու մարմին (իրավաբանական անձ), որ կարողանար ստւսնձնել այն եկեղեցապատկան գույքերն ու հասույթները, որոնցով պահվում են եկեղեցական-ծխական դպրոցները, սեկցիան վաղաժամ է համարում ներկայումս այդ աշխարհականացումը:
3. Եկեղեցական-ծխական դպրոցների բարեկարգության համար սեկցիան առաջարկում է ընտրել մի մարմին, որ հոգևոր իշխանության հետ համաձայնությամբ կաոավարեր այդ դպրոցները և մշակեր նրանց աշխարհականցման եղանակը և պայմանները:
Նույն գործը, թ. 33: