«Նկատելով, որ համագումարը հրավիրուած է զբաղելու տաճկահայերու անմիջական և ապագայ կարիքներով, նկատելով, որ այդ անմիջական կարիքները սերտ կերպով կապուած են Կովկասի Ազգային հաստաւոութեանց հետ և յետևաբար ասկէ յիտոյ ալ կապակցութիւն պիտի ունենան, հետևաբար այդ կազմակերպութեանց ներկայացուցիչները կրնան վճռական ձայնով մասնակցիլ համագումարին, պայմանավ, որ պաճկահայերու ներքին և կազմակերպչական խնդիրներու և ընտրութիւններու ժամանակ ձեռնպահ մնան»:
2. Հմայակ Մանուկյանի բանաձևն էր, «որ կառաջարկէ ընդունել կազմակերպիչ կոմիտէի մինչև այսօր ըրած բոլոր կագադրութիւնները և անցնել միւս օրակարգերուն»:
Քվեների մեծամասնությամբ անցավ վերջինը:
ժողովի նախագահը առաջարկեց վավերացնել նախապես Կազմակերպիչ կոմիտեի կողմից հայտարարած օրակարգը, ժողովը քվեարկությամբ վավերացրեց համագումարի օրակարգը, որ հետևյալն է.
1. Զեկուցումներ
Ա. Համագումարին մասնակցող միությունների և մարմիններ գործունէության մասին:
Բ. Ընդհանուր փախստակաների օգնության գործի մասին:
Գ. Օտար, արտասահմանյան հայ և հայանպաստ մարմինների հետ հարաբերելու մասին:
2. Ներգաղթի և նրա հետ կապված խնդիրներ:
3. Երկրի մեջ տեղական Ազգային վարչությունների կազմակերպում և իրավաբանական օգնություն:
4. Չգրավված վայրերի հայ գերիների ազատության և օգնության գործը:
5. Երկրի հայ ազգաբնակության ապահովության հարցը.
6. Թուրքահայ փախստականների տնտեսության վերականգնումը:
Ա. Վարուցանքս /պետական և ազգային միջոցներով/:
Բ. Արհեստանոցների փոխադարձ օգնության և կոպերատիվների կազմություն:
Գ. Փոխատվության խնդիր:
Դ. Թուքահայ վերաշինության ֆոնդի խնդիրը:
7. Նպաստի և պարենավորման գործը:
8. Փախստականնիրի մասնակցությունը Կովկասի Հայոց Գյուղատնտեսական աշխատանքներին:
9. Թուրքահայ գերիներ Ռուսաստանի մեջ:
10. Փախստականների առողջապահության գործը /հիվանդանոցներ, բժշկական օգնություն և այլն/:
11. Որբանոցներ, որբեր և նրանց կրթությունը:
12. Դպրոցներ և նրանց կազմակերպումը:
13. Աշխատանքի և Տեղեկատու Բյուրոներ և փախստականների վիճակագրություն:
14. Նոր առաջարկներ ապագա գործունեության համար:
15. Թուրքահայ փախստականների ներքին կազմակերպություն և կանոնագրության հաստատումը:
16. Թուրքահայ Կենտրոնական Վարչության ընտրությունը: Նիստը փակվեց ժամը 11-ին:
