Գ Նիստ
Ներկա են պատգամավորներ և խորհրդակցական ձայն ունեցողներ:
Նախագահում է Վահան Փափազյանը:
Նիստը բացվեց ժամը 10 1/2-ին: Կարդացվեց հայ գյուղատնտեսական ընկերության և «Հայաստան» թերթի խմբագրության կողմից համագումարին ուղղված ողջույնի հեռագիրները:
Նախագահը ժողովին ներկայացրեց Ներսես Սրբազան Մելիք - Թանգյանին, որ խոսք առնելով, պատգամավորներին զեկուցում տվեց Պետրոգրադի մեջ Ռուսաստանի բոլոր փախստականական մարմինների ժողովում եղած որոշումների մասին, որը հետևյալներն են.
1. Որոշված է միջոցներ ձեռք առնել քրդերի ազատ գործունեությանը առաջը առնիլու համար:
2. Որոշված է նպաստի քանակը բարձրացնել այն քանակությամբ, որ համապատասխան լինի ներկա տնտեսական թանգության:
3. Տարին երկու անգամ հագուստի դրամ բաշխել, յուրաքանչյուր անգամ անձ-գլխին քսան ռուբլի վճարելով:
4. Թե Թիֆլիսի և թե գավառների մեջ կկազմվեն հանձնաժողովներ փախստականական գործերը ղեկավարելու համար, և այդ հանձնաժողովներին պիտի մասնակցեն նաև փախստականներ:
5. Սմկոյին և նման ավազակներին ձերբակալել և Վան տանող երեք ճանապարհները ապահովել:
Սրբազանը հույս հայտնեց, որ այդ որոշումները հաստատուելու համար ներկայացված են ժամանակավոր կառավարության, և պիտի հաստատվեն, որով փախստականական գործերը դրված կլինեն որոշ սկզբունքների վրա և հետևաբար դրանից հետո գործերը ավելի կանոնավոր պիտի ընթանան: Ապա հայտնեց նույնպես, որ ինքը Վեհափառ կաթողիկոսի կողմից ժամանակավոր կառավարիչ է նշանակված Վանի, Ալաշկերտի, Մուշ- Բասենի շրջանի համար: Խնդրեց, որ եթե այդ շրջանի պատգամավորներն վստահություն ունեն իր գործունեության վրա արտահայտեն իրենց վստահությունը: Բոլոր պատգամավորներն և մասնավորապես Երկրի պատգամավորները ծափահարությամբ իրենց վստահությունը հայտնեցին, միաժամանակ գնահատելով Սրբազանի անցյալ և ներկա գործունեությունը. Երկրի պատգամավորները փափագ հայտնեցին, որ Սրբազանը նախքան իր պաշտոնատեղին մեկնելը, ունենա իրենց հետ խորհրդակցություններ:
ժողովը, անցնելով իր օրակարգին, այսինքն հանձնաժողովների /սեկցիա/ ընտրության ձեռնարկեց հետևյալ հանձնաժողովների ընտրության, միաձայնությամբ քվեարկվեցին.
6. Կազմական կանոնագրի հանձնաժողովին որպես անդամներ հիտևյալ յոթը անձնավորությունները.
|
