|
Ա. ԱՆՈՒՆ ԵՒ ԿԱԶՄ
Հայ Ազգային Համագումարը /Congrns National Armnnien/, որ Ազգ. Պատոֆրակութեան հրաւէրով հաւաքուեցաւ 1919 Փետրուարին Փարիզ, բաղկացած է թրքահայերու, պարսկահայոց եւ գաղութներու ներկայացուցիչներն եւ կը գործէ Կովկասի Հայ Հանրապետության Պատուիրակութեան խորհրդակցական մասնակցութեամբ:
Բ. ԻՐԱՒԱՍՈՒԹԻՒՆ ԵՒ ԾՐԱԳԻՐ
1. Վաւերացնել Ազգ. Պատուիրակութեան կողմէ պատրաստուած, Համագումարի անդամներու մեծամասնութեան աշխատակցութեամբ ու հաւանութեամբ, Վեհաժողովին ներկայացուած ազգ. պահանջներու յիշատակագիրը:
2. Հաստատել հայ ազգին վնասուց հատուցման հիմերը ներկայացնելու համար Խաղաղութեան Վեհաժողովին:
3. Գծել իրանց նոր կացութեան համաձայն ազգային քաղաքականութեան ընդհանուր ուղեգիծ մը, որ իբր հիմ պիտի ծառայէ նոր կազմուելիք Ազգ. Պատուիրակութեան գործառնութեանց:
4. Վեհափառ Կաթողիկոսէն նշանակուած Ազգ. Պատուիրակութեան մինչեւ այժմ գործունէութեան տեղեկատուութիւնը եւ հրաժարականը լսելէ ետք պիտի ընտրէ իր Պատուիրակութիւնը, բաղկացած 5 անդամներէ, որ պիտի միանայ Կովկասեան Հայ Հանրապետութեան Պատուիրակութեան եւ պիտի կազմէ Միացեալ Հայաստանի Համազգային Պատուիրակութիւնը:
5. Ընտրել Ելեւմուտքի Յանձնաժողով մը, որ տեղեկանալէ ետք հրաժարեալ Պատուիրակութեան գանձային վիճակին, պիտի պատրաստէ նորընտիր Պատուիրակութեան համար դրամական մօտաւոր նախահաշիւ մը, որոնելով հասոյթի աղբիւրները:
6. Ընտրել յանձնաժողով մը, մշակելու համար Միացեալ Հայաստանի պետական առժամանակեայ վարչական կանոնի նախագիծ /Reglement administratif provisoir/ եւ միացեալ առժամեայ կառավարութեան իրականացման նախագիծը:
7. Որոշել Համագումարի հրապարակային արտայայտութիւնները /հեռագիր, ուղերձ, հանդէս, կոչ, եւ այլն/: