Նիստ Ը
1 Յունիս 1920, ժամը 3 ½-ին,
Ներկայ էին 19 պատգամատր՝ Ամեն. Դուրեան Արքեպիսկոպոս, Տիարք Աղաթօն Պէյ, Բարսեղեան, Դաւիթ-Բէկ, Թէրզիպաշեան, Թէքէեան, Թումայեան, Հանըմեան, Մսըրլը Պէյ, Տոքթ. Նեւրուզ, Ներսէսեան Խան, Վսեմ. Նորատունկեան, Վսեմ. Պօղոս Նուպար Փաշա, Չօպանեան, Սինապեան, Տէրպէտէրեան, Տէր-Ստեփանեան, Ֆնտգլեան:
Օրակարգ
1. Տեղեկագիր Ազգ. Պատուիրակութեան Բժշկական Յանձնաժողովին:
2. Տեղեկագիր Ազգ. Պատուիրակութեան Բրոբականտի Յանձնաժողովին:
3. Շարունակութիւն վիճաբանութեան Ազգ. Պատուիրակութեան համարատուութեան:
4. Տեղեկագիր հաշուական գործառնութեանց Ազգ. Պատուիրակութեան:
5. Տեղեկագիր Ազգ. Պատուիրակութեան Կազմական Կանոնագրի Յանձնաժողովին:
6. Վերակազմութիւն Ազգ. Պատուիրակութեան:
ԱՏԵՆԱԿԱՆ ԳՈՐԾՈՂՈՒԹԻՒՆՆԵՐ
1. Ընթերցում եւ վաւերացում ատենագրութեան
Կարղացուեցաւ եւ վաւերացուեցաւ Մայիս 28-ի նիստին ատենագրութիւնը:
2. Խնդիր մանտայի հարցին նկատմամբ Ամերիկայի մեջ եղած յայտարարութեան:
Ազգ. Պատուիրակութեան Նախագահ Վսեմ. Պօղոս Փաշա Նուպար Համագումարին Մայիսի 28-ի նիստին որոշման համաձայն, հաղորդեց հետեւեալ հեռագիրը, զոր Պատուիրակութեան Ամերիկայի ներկայացուցիչ Տիար Միհրան Սվազլը ղրկած էր ի պատասխան Ն. Վսեմութեան հեռագրին:
«Ուաշինկթոն, անթուական (հեռագիրը ստացուած է Մայիս 30-ին), Պօղոս Նուպար, Փարիզ.
«Տիար Փաստրմաճեան այսօր հաղորդեց ինծի, թէ սխալ տեղեկութիւն ստացած եմ եւ անջատ կէտը բացատրեց հետեւեալ կերպով: Կաթողիկոսին կոնդակները Լօճ եւ Հիէլքոք ծերակուտականներուն մատուցած միջոցին Արքեպիսկոպոսը յոյս յայտնած է, թէ Ամերիկա պիտի շարունակէ իր օգնութիւնը Հայաստանի: Ամերիկեան Քոմիթէին անունով Գարտաշեան յայտարարած է ծերակուտականներուն, թէ Նախագահին պատգամագրին մերժումը աղիտաբեր պիտի ըլլայ Հայաստանի, եւ եթէ ատ մանտան մերժուի, պէտք է ձեռք առնեն միջոցներ, որպեսզի Նախագահը իրաւունք ունենայ Հայաստանի օգնելու»:
Համագումարու խնդիրներին վրայ Վսեմ. Պօղոս Փաշա բերանացի հաղորդեց նաեւ Տիար Փաստրմաճեանի կողմէ Հանր. Պատուիրակութեան Նախագահ Տիար Ահարոնեանի հասած հետեւեալ հեռագիրը.
«Ո՛չ մէկ յայտարարութիւն եղած է մանտայի դէմ, բրովոքասիոն մըն է»:
Մէկ քանի պատգամաւորներ դիտողութիւն ըրին, թէ «բրովոքասիոն» բառը ճիշդ չէ եւ թէ եղածը սխալում մըն է: Դարձեալ ուրիշ պատգամաւորներ դիտել տուին, թէ Տիար Սվազլը պէտք էր նախապէս խնդիրը ստուգելէ վերջ հեռագրեր:
