3. Սիրասիից նոյեմբերի 10-ին ստացված է 94 րուբլի կամավորների և պատերազմից վնասվածների օգտին: Կենտրոնական կոմիտեն 94 րուբլուց կեսը 47ռ. հանձնել է Բյուրոյի գանձապահ պՔալանթարյանին նույն օրվա N 27 ընկալագրով:
Նույն Սիրասիից ստացվել է 4 դեկտեմբերի 53ռ. 60կ. և նամակի մեջ ասված է, մի մասը հատկացնել վիրավորների օգտին: Որովհետև մեկ վիրավորի պահպանումը մեկ ամսում պահանջում է 36 րուբլի, ուստի Կոմիտեն կարգադրել է 36ր. հատկացնել, հայկական լազարեթում մեկ հիվանդ պահել մեկ ամիս Սիրասիի հայ հասարակության կողմից, իսկ մնացյալը ուղարկված է Բյուրոյին և հանձնված է ընծայագրով 18-ին դեկտեմբերի, N 12:
Օգտվելով այս դեպքերից, Կենտրոնական կոմիտեն հարկավոր է համարում հայտնել, որ Սիրասիի 53ռ. 50կ. միակ դեպքն է, երբ անհարմարություն կար կիսով բաժանելու, իսկ մյուս դեպքերում Կենտրոնական կոմիտեն ուղարկել է մեծ մասամբ 2/3 մասեր Բյուրոյին:
Ինչ վերաբերում է շորերին, Կոմիտեն հայտնում է, որ իրեն պահեստում չեն ստացված ոչ այն կվիտանցիայով N 12, որը ուղարկված է գերապատիվ Միտուշ եպիսկոպոսին անունով և ոչ էլ քույրեր Բաղդասարյաններից 12 կտոր տաք շորերը:
Նախագահ Ս.Հարությունյան
ՀԱՍ, Ֆ.221, ց.1, գ.Յ, թ.62: Բնագիր: Ձեռագիր:
N 74
ՀԱՅՈՑ ԱԶԳԱՅԻՆ ԲՅՈՒՐՈՅԻ ԳՐՈՒԹՅՈՒՆԸ ԱՌԱՋԻՆ ՀԱՄԱՇԽԱՐՀԱՅԻՆ ՊԱՏԵՐԱԶՄԻՑ
ՎՆԱՍՎԱԾՆԵՐԻՆ ՕԳՆՈՂ ՀԱՅԿԱԿԱՆ ԿԵՆՏՐՈՆԱԿԱՆ ԿՈՄԻՏԵԻՆ ԺՆԵՎԻ ՀԱՄԱԼՍԱՐԱՆԻՑ
ՀՐԱՎԻՐՎԱԾ ՀԱՅ ՈՒՍԱՆՈՂՆԵՐԻ ԵՎ ՏԱՃԿԱՀՊԱՏԱԿ ՀԱՅ ԲԺԻՇԿՆԵՐԻ
ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐ ՀԱՅՏՆԵԼՈՒ ՄԱՍԻՆ
Բյուրոն խնդրում է պատասխանել, արդյոք, Ձեր հիմնարկության մեջ կա՞ն ժնևի համալսարանից կանչված հայ ուսանողներ և տաճկահպատակ հայ բժիշկներ: Խնդրում ենք այս գրությանը այսօր ևեթ պատասխանել, որպեսզի հնարավորություն ունենանք նահանգապետի գրասենյակից արված հարցումիս շուտափույթ բավարարություն տալ:
Փոխնախագահ Բյուրոյի Հ. Խունունց
ՀԱԱ, Ֆ.28, ց.1, գ.116, թ.45: Բնագիր: Ձեռագիր:
N 75
ՔԱՂՎԱԾՔ
ԱՐԵՎՄՏԱՀԱՅԵՐԻ ՎԻՃԱԿԻ ՀԵՏ ԿԱՊՎԱԾ ԽՆՂԻՐՆԵՐ ՔՆՆՈՂ
ՊԱՏԳԱՄԱՎՈՐԱԿԱՆ ԽՄԲԻ ԺՈՂՈՎԻ ԹԻՎ 3 ԱՐՁԱՆԱԳՐՈՒԹՅՈՒՆԻՑ
ժողովը լսելով տաճկահայերի վիճակի հետ կապված խնդիրներ քննող քառասուն պատգամավորներից կազմված սեկցիայի զեկուցումն ի տեղեկություն ընդունում է (ընդդեմ երկուսի) հետևյալ բանաձևը:
